GHAZAL : 2ND JANUARY 2021

 

GHAZAL : 2^ND JANUARY 2021

Jis ney  barson mujhe pukara hai

Us ka har lafz mujh ko payara hai.

Ab mera raabta bus us se hai

Be-saharon ka jo sahara hai.

Na-khuda us taraf ghuma kashti

Behr-e-gham ka jidher kinara hai.

Dar-e-fani mein mut sawal karo

Kya hamara hai, kya tumhara hai.

Woh jo donon jahan ka maalik hai

Har taraf us ka hi nazara hai.

Kis se poochoon, kisey khabar hai Kanwal

Yeh jahan kis ka istaara hai.

            *******

GLOSSARY

1.Raabta: connection. 2.Na-khuda: boatman; sailor. 3.Behr-e-gham: the sea of sorrow. 4.Dar-e-fani: this perishable world. 5.Donon jahan ka maalik: God. 6. Nazara: spectacle; show. 7. Istaara: metaphor; symbolic representation.

                                                --------

G. R. Kanwal