GHAZAL : 26TH OCTOBER 2020

 

GHAZAL : 26^TH OCTOBER 2020

Zindagi hai mukhtasar, kuch tez chal

Keh rahi hai har dagar kuch tez chal

Har qadam par poochna achcha nahin

Khatm hoga kab safar, kuch tez chal

Apnay Paaon khud utha mat soch yeh

Kab milay ga rahbar, kuch tez chal

Aashi’an mera yahan se door hai

Door hai tera bhi ghar, kuch tez chal

Mangta hai kya falak se bar

Ab dua hai be-asar , kuch tez chal

Ho gaye thay band jo firdaus mai’n

Kholnay hai’n phir who dar, kuch tez chal

Hukm se jis ke Kanwal aaya that tu

Us ko deni hai khabar, kuch tez chal.

                        ----

GLOSSARY

1.      Mukhtasar: short. Kuch tez chal: walk a bit faster.

2.      Dagar: track; road; highway.

3.      Achcha nahin: not advisable.

4.      Paaon: steps . Utha: lift.

5.      Rahbar: guide.

6.      Aashi’an: nest; house; dwelling place; residence.

7.      Falak: sky; heaven. Metaphorically: providence, fate; fortune.

8.      Dua: prayer. Be-asar: ineffective; unaccepted.

9.      Firdaus: paradise; heaven. Dar: gates.

10.  Hukm: order; command.

11.  Us ko: Him; i.e. God. Khabar: information; report.

 

26.10.2020                                                                              DR. G. R. KANWAL

 

                                      ………….